CASA C-295

CASA C-295
familia d'aeronaves
land-based airlifter monoplane (en)
Información
Fabricante	Airbus Military (es) Airbus Defence and Space SAU (es) Indonesian Aerospace (es)
Historia
Primer vuelu	28 payares 1997
Operadores	Fuerza Aérea Egipcia (es)    Exércitu del Aire d'España    Fuerza Aérea Finlandesa (es)    Fuerza Aérea de Polonia (es)    Fuerza Aérea Argelina (es)
Carauterístiques
Unidaes fabricades	220

El CASA C-295 ye un avión de tresporte tácticu mediu que foi diseñáu pola compañía española CASA nos años 3225 como un desenvolvimientu del CASA-Nurtanio CN-235. A partir del añu 2000, cola incorporación de CASA al grupu aeronáuticu européu EADS, l'avión pasó a ser designáu EADS CASA C-295. Realizó'l so primer vuelu el 28 de payares de 1997 y entró en serviciu col Exércitu del Aire d'España en 2001.^[1]

El C-295 ye capaz de realizar gran variedá de misiones de manera efectiva: tresporte tácticu y loxísticu, llanzamientu de paracaidistes y de cargues, evacuación médica,^[2] y tamién dispón d'una versión de patrulla marítima denominada C-295 Persuader.^[3]

Dáu'l fracasu del so hermanu menor nel segmentu de l'aviación comercial, anque llogró la certificación civil pa poder ser emplegáu por axencies gubernamentales,^[4] primeramente nun se llanzó una versión comercial d'esti avión. Nun foi hasta 2017, munchos años dempués de la entrada en serviciu de les versiones militares, cuando llogró'l so primer contratu nesti campu.^[5]

La so designación como C-295 sigue l'esquema de los aviones diseñaos por CASA, cola C inicial del fabricante y de siguío un númberu de tres díxitos, de los que'l primeru indica'l númberu de motores, dos nesti casu, escoyéndose equí los dos siguientes pola carga útil que se plantegó como oxetivu: 9,5 tonelaes.

Foi adquiríu por diversos países amás d'España, ente los que destaqun'Exiptu, Polonia, Brasil, Méxicu y Portugal por númberu d'aeronaves adquiríes, y participó en numberoses operaciones internacionales, ente les que destaquen les misiones na antigua Yugoslavia, Afganistán, Iraq, El Líbanu y Chad.^[6]

1. ↑ Error de cita: La etiqueta <ref> nun ye válida; nun se conseñó testu pa les referencies nomaes flugrevue
2. ↑ EADS (actualizáu 14-1-2009). «EADS CASA C-295». EADS N.V. - Airbus Military. Consultáu'l 11 de febreru de 2009.
3. ↑ EADS (actualizáu 14-1-2009). «EADS CASA C-295 Persuader». EADS N.V. - Airbus Military. Consultáu'l 11 de febreru de 2009.
4. ↑ «Airbus Military C295 certified for civic operations» (inglés). Airbus Military (11 de xunetu de 2012). Archiváu dende l'orixinal, el 16 de xunetu de 2012. Consultáu'l 16 de xunetu de 2012.
5. ↑ «Stellwagen realiza un pidíu d'aviones de tresporte C295 nun alcuerdu pioneru». Airbus (21 de xunu de 2017). Consultáu'l 24 de xunu de 2017.
6. ↑ Error de cita: La etiqueta <ref> nun ye válida; nun se conseñó testu pa les referencies nomaes informe comercial